Лічылкі і забаўлянкі

Сядзіць мядзведзь на калодзе

Сядзіць мядзведзь на калодзе,
Капшук вышывае,
А сыны-медзведзяняткі
Шоўкам падшываюць.

Стары заяц-работнічак
На скрыпцы грае,
А лісіца, а хітрыца
З куста выглядае.

А сарокі-белабокі
Пусціліся ў скокі,
А вароны, стары жоны,
Пайшлі жыта жаці.

А зязюля, а зязюлька
Жыта малаціла,
А карова, а карова
Жыта вынасіла.

Казёл меле, казёл меле,
Каза падсыпае,
А малыя казляняты
У мяшок збіраюць.

Муха месіць, муха месіць,
Камар воду носіць,
А малыя камарочкі
У іх цеста просяць.

Сядзіць сыч на капе

Сядзіць сыч на капе,
А сава на другой,
Гой-гой-гой! на другой,
Гой-гой-гой! на другой.

У савы сыч пытае:
— Хто ў лесе гукае?
Гу-гу-гу! — гукае,
Гу-гу-гу! — гукае.

— Дрывасекі мае
Сякуць лес у мяне.
Чах-чах-чах! — у мяне,
Чах-чах-чах! — у мяне.

I сякуць, і крычаць,
Каб звяроў напужаць.
Пух-пух! — напужаць,
Пух-пух! — напужаць.

___________________________________

У куце сядзіць мядзведзь

У куце сядзіць мядзведзь,
Хустку вышывае,
А лісічка-невялічка
Хатку прыбірае.
А каток пячэ аладкі,
Масла падлівае.
Мышанятка жвава, гладка
Катку памагае.

___________________________________

Іграў я на дудцы

Іграў я на дудцы,
Седзячы на будцы.
Ту-лю, ту-лю, ту-лю-лю,
Ту-лю-лю!
Грае мая дудка,
Пяе весялушка.
Ту-лю, ту-лю, ту-лю-лю,
Ту-лю-лю!
Як зайграла дудка —
Прыбег скакаць Юрка.

___________________________________

Ладу, ладу, ладкі

- Ладу, ладу, ладкі
- Дзе былі?
- У бабкі.
- А што елі?
- Кашку.
- А што пілі?
- Малачко.
Бабулька казала,
Як нас частавала:
- Прыходзьце часцей,
Пачастую смачней:
Дам вам сыраквашкі,
Бярозавай кашкі.

___________________________________

Люлі-люлі-люлі

Люлі-люлі-люлі,
Прыляцелі куры,
Селі на варотах
У чырвоных ботах.
Сталі сакатаці -
Што курачкам даці?
Ці ячменю жменьку?
Ці гарошку трошку?
Ці жыта карыта?
Ці бобу каробу?
Трэба даць ім грэчкі,
Каб неслі яечкі.

___________________________________

Раз, два, тры, чатыры, пяць, 
Шэсць, сем, восем, дзевяць, дзесяць, 
Выплыў белы месяц, 
А за месяцам луна, 
Хлопчык дзеўчыны слуга. 
- Ты, слуга, падай карэту, 
А я сяду і паеду. 
Ты, слуга, падай лімон, 
А я свісну, а ты - вон! 

___________________________________

Раз, два, тры, чатыры, пяць, 
Шэсць, сем, восем, дзевяць, дзесяць, 
Выплывае белы месяц, 
А за месяцам луна, 
Выйшла дзевіца-слуга. 
- Ты, слуга, падай карэту, 
А я сяду і паеду, 
Ты, слуга, падай мятлу, 
А я хату падмяту. 

___________________________________

Раз, два - кружава, 
Тры, чатыры - пачапілі, 
Пяць, шэсць - кашу есць, 
Сем, восем - сена косім, 
Дзевяць, дзесяць - грошы весіць. 
Грош згубілі, два знайшлі 
У карчму усе пайшлі: 
Чай п'юць, кружкі б'юць, 
На стол грошыкі кладуць. 

___________________________________

Цынцы-брынцы, два кальца 
Выстругалі малайца, 
На святой нядзельцы 
Здзелалі кацельцы, 
Кадельцы упалі, 
На кузню сказалі. 
Кузня божыцца: - Не я, 
Балалаечка мая. 
Балалаечка-гудок, 
Разваліўся мой дамок. 

___________________________________

Аты-баты, шлі салдаты, 
Аты-баты, на базар, 
Аты-баты, што купілі? 
Аты-баты, самавар. 
Аты-баты, колькі стоіць? 
Аты-баты,тры рубля. 
Аты-баты, хто выходзіць? 
Аты-баты, гэта я.

___________________________________

Рэльсы гнуцца, рэльсы гнуцца, 
Пад мастом паны дзяруцца, 
Адзін маленькі панок 
Удзіраець без парток. 
А назаўтра рыбакі 
Прывязлі яму парткі. 
Ен спасіба не сказаў, 
Толькі дулю паказаў.