Выконваючы народныя абрады і традыцыі, мы фарміруем у нашых выхаванцаў нацыянальную самасвядомасць, любоў і павагу да роднага краю.

У заключэнне вясновых канікул па традыцыі ў дзіцячым садзе прайшло фальклорнае свята "Гуканне вясны" сумесна з бацькамі. Дзеці падчас правядзення свята чыталі вершы пра вясну, спявалі песню «Рады мы Вясне». У госці да дзяцей прыйшла Вясна. Разам з ёй яны гулялі ў беларускія народныя гульні "Бусел і дзеці", "Прэла-гарэла", "Знайдзі жаўрука". Бацькі чыталі вершы, загадвалі загадкі, знаёмілі дзяцей з народнымі мудрасцямі. У канцы свята дзеці з задавальненнем пачаставаліся смачнымі булачкамі ў выглядзе жаўрука.